قيصر الحب
مدير عام منتديات ميوزك
عدد الرسائل : 34
العمل/الترفيه : طالب
تاريخ التسجيل : 21/10/2008
 |  موضوع: عفوا ...زمن الحب قد انتهي!!  الثلاثاء أكتوبر 21, 2008 1:54 pm | |
|
هل فعلا انتهى زمن الحب؟
هل حلم الزوجه المحبه المخلصه اللى مستنيه جوزها فى الشباك
وهوا راجع من الشغل واول ما يدخل تترمى فى حضنه وتقوله
وحشتنى تساعدة فى تغيير هدومه وعلى ما ياخد شاور تكون
محضراله الأكل ياكلوا سوا
وبعد كدا ينام راسه على رجليها ويحكيلها متاعب يومه كلها وهى تسمع
منه وتصدق كلامه حتى لو كله فشر من غير ماتحسسه بكدا؟
*********************************
هل حلم الراجل اللى بيرجع ملهوف على مراته وبعد ما ياكل يبوس ايدها ويقولها تسلم ايدك يا حبيبتى حتى لو كان اللى هيا
طبخاه عك في عك لكن
هوا بيقول لنفسه كفايه انها تعبت علشانى؟
***************************
هل حلم الزوجه الجدعه اللى بتستحمل ظروف جوزها مهما كانت وتفضل جنبه على طول
الحلم دا قتلته مشاكل الحياة؟
************************************
*هل فى دنيتنا اللى كلها جرى على الرزق وتعب فى الحصول عليه لسه فيه مكان للرومانسيه؟ ولا الرومانسيه اتداست فى بحر كبير اسمه مشاكل
الحياة اليوميه؟
************************************
هل فيه بنت ممكن توافق على شاب لسه فى بداية حياته وكل اللى بيملكه من الدنيا حبه ليها وطموحه انه يكون حاجه؟ ولو هيا وافقت اهلها هايوافقوا؟ ولو اهلها وافقوا هل المجتمع هايرحمهم؟
************************************
ياترى الحب دلوقتى بالقلب ولا العقل؟ يعنى لو بتحبى لكن ظروف حبيبك صعبه شويه تستحملى معاة ولا تشوفى ان الموضوع كدا مش نافع وتبعدى عنه ومش مهم ايه اللى يحصله؟
************************************
يا تري في الزمن ده لسا في وجود لحاجه اسمها الصراحه بين اي اتنين بيحبوا بعض
ولا اتمسحت من قلوبهم ودخل مكانها الكذب والنفاق ؟؟!!
************************************
هل الرومانسيه لسه موجودة؟ ياترى تفضلى ان حبيبك يجيبلك هديه وردة ولا افضل يجيبلك برفان من الغالى؟
************************************
ياترى ايه احساسك لو حبيبتك سابتك وقالتلك سورى والله انا بحبك بس الحب مش كل حاجه وانت ظروفك صعبه وانا مش هاقدر استحملها؟
************************************
ياترى تعمل ايه لما تحس انك عاجز لأنك مش قادر تحتفظ بحبيبة عمرك لأن ظروفك مش على قد طموحها؟
************************************
وياترى ايه احساسك لو انت حد رومانسى اوى وحبيبتك عقلانيه اوى؟
انت بتقوم الصبح تبعتلها مسج تقولها صباح الخير يا حب عمرى وهيا تبعتلك مسج تقولك ماتنساش تبص النهاردة على المطابخ وتشوف اسعارها؟
************************************
انت بتقولها عايزين نخطط حياتنا ونرسم شقتنا واوضتنا واوضة الأولاد وهيا تقولك شوف بس الأول يتكلفوا كام؟
************************************
انت بتقولها انا نفسى فى بيت صغير يجمعنا سوا وهيا تقولك المهم البيت دا ماتقلش مساحته عن كذا ويكون فى شارع رئيسى ووووو؟
************************************
تعمل ايه ساعتها؟ تكمل معاها لأنك بتحبها ولا تدور من تانى على حبيبه رومانسيه؟
شاركونى بارائكم وتعليقاتكم وعايز اعرف منكم
هل فعلا انتهى زمن الحب؟
| |
|
منة العسولة
مزيكاوي جامد
عدد الرسائل : 27
العمل/الترفيه : مشغولة
تاريخ التسجيل : 10/07/2008
| | موضوع: رد: عفوا ...زمن الحب قد انتهي!! الأربعاء أكتوبر 22, 2008 2:12 pm | |
| | |
|
قيصر الحب
مدير عام منتديات ميوزك
عدد الرسائل : 34
العمل/الترفيه : طالب
تاريخ التسجيل : 21/10/2008
| | موضوع: رد: عفوا ...زمن الحب قد انتهي!! الخميس أكتوبر 23, 2008 7:30 am | |
| شكرا لمرورك منة[size=18][/size] | |
|
